Triomfeer

Ballade van die Bruin (swem)Bad

2009-02-10T09:28:00.002+02:00

Dis hoe ons swembad lyk na regte egte Transvaalse donderstorm. Nogals 'n hewige een moet ek byvoeg. Die weerlig slaan en amper onmiddellik volg die donderslag, dus nogals naby. En dan kom die strome modderwater van die bouperseel langsaan en maak die eens blou swembad 'n bruin een. Panerai, Pippie en Bongi weet nie mooi waaroor dit gaan nie, maar hulle glimlag vriendelik.

Alfa 1999

2009-02-06T11:12:00.004+02:00

Ons eet brekfis by Christine Truter se ouerhuis op hul plaas (Dankbaarheid?) buite Stellenbosch. Liezl, Malan, Daléne, Nina, Kriz, Kabous, Christine, en haar toenmalige boyfriend, Theunis, en ek. Weet nie wie die foto geneem het nie... dalk Rankie. Of dalk Hugo, want hy is die enigste een van Triomf wat nie op die foto is nie. Scary deel is dat dit 10 jaar gelede is.

Die Kasteel - circa 1984/5

2009-02-02T22:30:00.000+02:00

Foto geneem by Die Kasteel in Kaapstad op een van ons besoeke vanaf George. Interessante foto vir my. My ma het dit obviously geneem, en almal van ons is op ons eie planeet. Wel met een doel voor oë: om die vlag hoog te hou.

Cape Town by Night

2009-01-31T15:39:00.003+02:00

Die uitsig van Eloise-hulle se woonstel waar ek woon wanneer ek in Kaapstad werk. En in hierdie geval was daar ook 'n volmaan.

Haas Das en Gé

2009-01-29T20:16:00.002+02:00

Ek luv hierdie foto. Ek het hom in 'n argief gevind, sal liewers nie sê wie s'n nie, want net nou wil hulle dit terughê. Die foto is iewers in die 1970's geneem, terwyl Haas Das uit die aard van die saak nog op die televisie was, en Gé ’n program getiteld "Gé sing" op TV gehad het. Ek het 1 of ander tyd my eie verklaring vir hierdie foto geskryf. Kan glad nie meer onthou wat ek gesê het nie, maar dit was 10 to 1 effens absurd.

Nature's Valley - Desember 2004

2009-01-28T19:21:00.003+02:00

Herman, wylie Jolie en Vonnie draf langs die strand by Nature's Valley. Ek hou besonder baie van hierdie foto.

Madiba in Londen

2009-01-27T20:47:00.003+02:00

Hier's ek by die Madiba-standbeeld op Parliament Square.

Londen - September 08

2009-01-26T22:10:00.006+02:00

Werner, Kriztiene en Elizma in die Van der Merwe-Seebach's se agterplaas in Morden. Ek het vroeër die aand van Newcastle afgekom (laaaang treinrit, agv vertragings). Werner het soos altyd lekker kos gemaak.

Restaurant - Londen - Sept 08

2009-01-22T20:58:00.004+02:00

Hier's Kriztiene en ek, Francois en Gideon by 'n Pan-Asian restaurant in Camden. Werner het vir ons allerlei heerlike happies bestel, en ons het lekker wyn gedrink. Ek hou van Camden, veral in die dag as mens bietjie kan shop. Die vorige keer toe ek Londen was (Feb 2006) het ek een dag op my eie soontoe gegaan. Dit het selfs liggies gesneeu, en dit was natuurlik vir my absoluut heerlik. Daar was wel 'n scaly ou wat vir my een of ander stokou noot as kleingeld gegee het, en die mense wou dit nie elders aanvaar nie. Kriztiene was toe so gaaf gewees om vir my 'n nuwe 5 pond noot te gee, en die oue later by die bank te gaan omruil.

Ice Bar - Stockholm

2009-01-21T21:24:00.003+02:00

Steeds in Stockholm. Hier is ek en Liana in die Absolute Ice Bar. Dit was lekker. Jy betaal 180 Sweedse krone om in te gaan, en dit sluit dan 'n cocktail in. Die glas waarin jou cocktail gegooi is, is ook van ys. En die temperatuur is -5 grade celcius. Die parka's leen jy ook obviously. Ons het lekker rondgestaan, en foto's geneem. Dink dit was my laaste aand in Stockholm. 'n Stad waarheen ek graag sal terugkeer, veral wanneer die Abba-museum eendag klaar is. En wil baie graag Lapland toe gaan saam met Aka en Nils-hulle. En wil ook baie graag na die fjords in Noorweë gaan. O, ja, en ek wil graag die Noorderlig sien.

Dawie die Kabouter

2009-01-20T21:22:00.007+02:00

"Ek woon in die holte van ´n boom, dit is waar! Loop saggies as jy stap, jy kan dalk op my trap. "
Hier is ek, Gideon en Dawie die Kabouter in Stockholm. Don't get me started on Dawie die Kabouter. Ek bedoel, ek het regtig baie daarvan gehou, maar dit was nogals traumaties dat die kabouters in bome verander op 969 jaar. Definitief een van die laaste episodes (van 'n TV-reeks) wat ek baie goed onthou. Dit en "Jackie, die beer van die berge". Ek was toe in sub. A, en weereens was dit vir my baie ontstellend, want ewe skielik was Jackie groter, en kan nie meer detail presies onthou nie. Maar ek wonder of die ma of iemand nie dood is nie. In elk geval, ek het sooo gehuil totdat "Mattewis en Meraai" heelwat later die aand begin het. Nie asof laasgenoemde seker die mees opbeurende reeks was nie.

"Onder die dekmantel" se laaste episode het ek nooit gekyk nie, oftewel nooit gehoor nie. Daar was een of ander prysuitdeling by die laerskool en ons het die videomasjien gestel. En hy neem toe mooi die episode op, maar sonder klank... In st. 3 was my lipleesvaardighede nog nie so goed nie, veral nie as hulle Engels praat, en jy verwag Afrikaans nie. :-) Ennieway, die laaste episode het ons dus ontwyk. Ek's steeds mal oor die liedjie "Holding out for a hero". En dan is daar Jon-Erik Hexum wat vir ewig 26 jaar oud gaan wees.

Pippie Langkous

2009-01-19T19:36:00.003+02:00

Hier is ek by Junibacken in Stockholm. Dis 'n museum wat hulde bring aan Astrid Lindgren. Ons was daar in September verlede jaar. Viva Pippie Viva.

She's alive!

2009-01-15T20:07:00.002+02:00

She's alive! Ja, ek het actually my password onthou. En ek het 18 maande laas 'n post gemaak. Seker super-skandalig in blog-terme. Ennieway, kom ons kyk maar of ek weer beter begin vaar.
Op die oomblik kyk ek uit op Seinheuwel, en ek moet eintlik werk. Sal bietjie van my Polaroid-foto's post.

5 Mooipan-foto's

2007-08-02T02:22:00.000+02:00

Vyf foto's van ons vakansie op Mooipan naby Steenbokpan in Limpopo.

Happy 89th Birthday, Madiba!

2007-07-18T00:54:00.000+02:00

Wilma en die vampier!

2007-06-21T11:54:00.000+02:00

Ek het vroeer hierna verwys:

En baie snaaks:

Baviaanskloof

2007-06-11T06:35:00.000+02:00

Die pleegkind

2007-06-11T04:42:00.000+02:00

Bongi - die pleeg-pug.

Sound of Music 1 - guess who's who?

2007-05-23T07:02:00.000+02:00

Hier's Julie Andrews en die akteurs en aktrises wat die rolle van die sewe Von Trapp-kinders gespeel het. Nogal interessant wanneer mens probeer uitfigure wie's wie (nie noodwendig rocket science nie). Die foto is so twee jaar gelede by die 40ste herdenking van die fliek geneem.

2005:

1965:

'n Lug vol helder wolke

2007-05-21T10:01:00.000+02:00

Vrystaat, Januarie 2007, vanuit SAL Boeing.

Etienne Leroux

2007-05-21T02:32:00.000+02:00

Ek het op hierdie interessante clip afgekom van Etienne Leroux se begrafnis. Hy's op 30 Desember 1989 oorlede.

http://www.youtube.com/watch?v=am7yKJcYrRo&mode=related&search=

Soos ou vriende doen

2007-05-15T02:01:00.000+02:00

Amelda & Jurie

2007-05-13T08:29:00.000+02:00

Amelda en Jurie kuier vir so paar weke in Suid-Afrika. En ons almal is baie bly!

Cheers!

En natuurlik is daar ook altyd dansies om te doen!

Magic met Anneli (2002)

2007-05-11T11:12:00.000+02:00

Now you see her...Now you don't!

Peace bru

2007-05-11T06:51:00.000+02:00

Denny Crane

2007-05-10T00:25:00.000+02:00

"Denny Crane". The name says it all. Boston Legal is op die oomblik van my gunsteling-programme. Alan Shore aka James Spader is in 'n klas van sy eie en ek hou ook baie van Candice Bergen. In elk geval, Denny Crane is wonderlik weird en insane. William Shatner is ook al lank in die land, en hy lyk eintlik heel okei op 76-jarige ouderdom. Vir sommige mense (al daai Trekkies fans) sal hy nooit iemand anders wees as Captain James T. Kirk, bevelvoerder van die U.S.S. Enterprise in Star Trek. Ander onthou hom as Sgt. T.J. Hooker, saam met Heather Locklear (in Suid-Afrika het hulle wel keurige Afrikaans gepraat). En ek het al amper vergeet, maar hy was die aanbieder van Rescue 911 (baie dramaties). En meer onlangs as Stan Fields in Miss Congeniality (ook saam met Candice Bergen). Interessantheidshalwe, William was die eerste ou wat twee Emmy's gewen het vir dieselfde karakter in twee verskillende TV-reekse (as Denny Crane in The Practice en Boston Legal).

Kyk die kaptein se gesigsuitdrukking!
Interessant die titels van flieks en programme wat met William Shatner te doen het:
How William Shatner Changed the World (2005) (TV)
Comedy Central Roast of William Shatner (2006) (TV)
Auto Destruct: One Man's Obsession with William Shatner (2005)
William Shatner in Concert (2006) (TV)
William Shatner Lent Me His Hairpiece: An Untrue Story (1996)

Derrick

2007-05-09T09:50:00.000+02:00

Gerrit Brand skryf op Die Burger se Kunskliek-blog (http://dieburgerblogs.mweb.co.za/ViewBlog.aspx?blogid=35) dat Emgee Pretorius die Afrikaanse stem aan die Duitse speurder Stephan Derrick verleen het. Ek onthou die Afrikaanse oorklanking van veral Derrick was altyd baie snaaks. Veral as Derrick in Afrikaans iets sê soos: "My magtig Harry, slaan die man!" en mens met liplees en jou kennis van Duits kon agterkom dit moes meer in die rigting wees van: "My jirre Harry, f*k die man op!". Maar niemand het mos in daai jare in Afrikaans op televisie gevloek nie. Behalwe dalk die odd "donner" of "moer". In elk geval, die akteur wat Derrick vertolk het Horst Tappert is onder meer bekend vir sy looks. Oftewel, die sakke onder sy oë. Daarom is die volgende berig vir my des te meer snaakser.

Hulle skryf o.a. oor "Augenringmuskels" en mans wat al meer plastiese chirurgiese operasies laat doen. Volgens imdb.com het Horst die rol vir 24 jaar vertolk: 1974-1998 en in 281 episodes gespeel. Volgens hulle het selfs wyle Pous Johannes Paulus II daarvan gehou om na die TV-reeks te kyk.
Oberinspektor Stephan Derrick und Harry Klein.

Liezl, Joli & die Vrieskas (2002)

2007-05-08T02:44:00.000+02:00

Hier kom die Roomys(man)

2007-05-08T01:39:00.000+02:00

Hier is 'n foto van my broer, Herman. Vermoed hy was in die kleuterskool of vroeg laerskool. Ek weet nie presies wat die okkasie was nie, dalk 'n fancy dress of iets. In elk geval, hy het gegaan as 'n roomys (soos jy natuurlik duidelik soos daglig uit die foto kan opmerk). Die snaaksste vir ons: Hy kon skaars loop, met die gevolg dat die meneer hom op en af moes dra by die trappe (op na die verhoog). L.W. Die blou spuitverf-kring op die grond. Hy is dus in hierdie posisie gespuitverf.

Rasta-Huis op Franschhoek

2007-05-08T01:34:00.000+02:00

Ek dink Kriztiene was by toe hierdie foto's geneem is. Kan nie meer so mooi onthou nie, maar ek dink nie die huis is meer daar nie. I'm not sure, dalk is dit net toegebou deur huise en dat mens dit nie meer van die pad af kan sien nie... maar ons was laas naweek op Franschhoek en ek het dit nie gesien nie.

Rocky

2007-05-08T01:29:00.000+02:00

"My name is Rocky. And this is my picture show."

Raai wie...

2007-05-08T01:25:00.000+02:00

Is 60 vandag?

Charl se 40ste

2007-05-07T03:10:00.000+02:00

Vrydagaand by LB's in Langstraat het ons lekker gepaartie.

The A-Team

2007-05-04T09:37:00.000+02:00

Nog 'n gunsteling-program was The A-Team. (Alles natuurlik nou suiwer nostalgie. Maar ek luv dit.) Hulle het ook sulke interessante name gehad:

Col. John "Hannibal" Smith, Capt. H.M. "Howling Mad" Murdock, Sgt. Bosco "B.A." Baracus en Lt. Templeton "Faceman" Peck.

"In 1972 a crack commando unit was sent to prison by a military court for a crime they didn't commit. These men promptly escaped from a maximum security stockade to the Los Angeles underground. Today, still wanted by the government, they survive as soldiers of fortune. If you have a problem, if no one else can help, and if you can find them, maybe you can hire the A-Team."

As jy bogenoemde wil hoor, gaan na hierdie website: http://pumamouse.com/quaksatsounds.html

Jy kan na al die ou gunstelinge se kenwysies luister, sowel as 'n paar van die ou advertensies.

Her-Man

2007-05-04T08:05:00.000+02:00

Is it a bird, or a plane... No it's Her-Man. The Flying Dutchman.

Nie te verwar met He-Man (en sy Masters of the Universe) nie!

Buck & Wilma

2007-05-03T09:05:00.000+02:00

Kaptein William "Buck" Rogers en Kolonel Wilma Deering. Hulle was in die eighties van my gunsteling karakters op TV. En Twiki natuurlik en later het Hawk bygekom. Die episode wat ek die duidelikste kan onthou was die een waar daar 'n vampier verskyn (sien foto's). En aanvanklik kan net Wilma hom sien en sy's vrek bang, maar die ander dink sy's mal. Dan kry hy haar in die hande (letterlik), want sodra hy haar met sy pinkie (?!) teen haar nek druk, raak sy so psycho so asof hy haar gebyt het. Dalk het hy haar gebyt ook, maar dit kan ek nie so mooi onthou nie. Sy raak toe baie weird en amper vryerig met Buck (baie ongewoon) en wil hom ook ver-vampier. Hy skrik haar toe af met 1 of ander steen en toe spring sy en die vampier saam in 'n tuig of iets, en hulle is oppad na 'n warm dood aka die son (of iets wat vir my in st. 2 so gelyk het). Natuurlik het Buck vir Wilma gered. Ek kan nie presies onthou hoe nie, want ons was op 'n plaas naby Jansenville (Oos-Kaap, dink ek) en die ontvangs was nie great nie, en op 'n crucial tyd het die beeld in baie wasige sneeu verander. As ek nou so na die foto kyk, dan lyk die vampier natuurlik glad nie meer vir my so vreesaanjaend soos (ongeveer) 21 jaar gelede nie! (Ek vermoed dit het toentertyd dalk selfs vir 'n paar slapelose nagte gesorg.)

O, ja, en dit was natuurlik ook in die dae wat Wilma en Buck nog Afrikaans kon praat. En ek was mal oor Wilma se "lipgloss" look en het sulke glansende lippe begeer. En in my bendedae, het ek altyd seker gemaak almal weet my naam is Kolonel Wilma Deering.

"The year is 1987, and NASA launches the last of America's deep space probes. In a freak mishap, Ranger 3 and its pilot, Captain William "Buck" Rogers, are blown out of their trajectory into an orbit which freezes his life support systems, and returns Buck Rogers to Earth... 500 years later."

So val die helde

2007-05-03T01:55:00.000+02:00

Artikel in Die Burger:

"Nóg ’n gesoute akteur sterf
Die Suid-Afrikaanse vermaaklikheidsbedryf het gister ’n groot gees verloor met die afsterwe van die veteraanakteur Emgee Pretorius (83).
Hy het ’n ruk gelede ’n hartaanval gehad en was reeds vir omtrent twee maande in die hospitaal, het mev. Realta van der Mescht, sy susterskind, gesê.
Dié bekende gesig op Suid-Afrikaners se televisies sal bes moontlik onthou word vir hoofrolle in onder meer die trefferreeks Nommer Asseblief (as De Jongh), die realistiese tronkdrama Vyfster (as Priester) en Koöperasiestories (as Veldsman), waar hy pyp in die mond en veldhoed immer op sy kop, kykers vermaak het.
Pretorius is binnekort in die kykNET-drama Dryfsand te sien. Die spesifieke episodes waarin hy verskyn, word egter eers later uitgesaai."

Ek was nie noodwendig so groot aanhanger van hom nie, maar hy was absoluut classic as Veldsman. Dis seker die rol waarin ek hom die beste onthou. Vyfster ook, maar Veldsman was net sooo 'n goeie karakter, of dalk was dit die 3manskap wat so goed mekaar aangevul en verskil het. In elk geval, ek kon nie glo hy was al in die 80 nie, maar ten minste bly hy as Veldsman immer middeljarig.

Fraaie Meisjes

2007-05-02T11:26:00.000+02:00

Hier poseer Liesie en Lindes as deel van die Vlegselbrigade by Kleinmond.

Triomf 1999

2007-05-02T09:09:00.000+02:00

'n Ander gunsteling-foto van my: Ek en Kabous voor ons Triomf-huis. Goeie tye.

Taalpaal 1998

2007-05-01T15:11:00.000+02:00

"Ons was jonk gewees, en ons was dronk gewees..."

Leeukop circa 2001

2007-05-01T15:08:00.000+02:00

Ek hou baie van hierdie foto van Leeukop wat ek een oggend vanaf die balkon van die Kenwyn Court-woonstel geneem het. Kan nie presies onthou watse jaar nie, maar seg maar 2001.

Snoekbraai in Rowanstraat 2

2007-05-01T15:00:00.000+02:00

Hierdie foto is om 01:26 geneem. Ek dink ek en Hugo lyk nog verbasend goed vir daai tyd van die oggend, en na al die de-rank. Die hondjies lyk weliswaar bietjie vaker.

Snoekbraai in Rowanstraat 1

2007-05-01T14:58:00.000+02:00

Hier is Eben en Jansie tydens die snoekbraai, waar Jansie vir ons heerlike snoek voorberei het.

Skaduwee

2007-04-22T21:36:00.000+02:00

Raai Raai Riepa.

Herman & Pippie

2007-04-22T21:33:00.000+02:00

Hier's Herman & Pippie op Nettie se plaas te Caledon. Pippie het haar die naweek baie goed gedra en het nie weggeraak of te ver afgedwaal nie. Herman, Liesbeth etc het gewere ingeskiet vir die jagnaweek in Mei in die Noord-Kaap (Brandvlei se wereld). Gelukkig het dit heel goed gegaan. Liesbeth en Herman het elkeen 23 punte gehad. Louis en Nick het elkeen 20 gehad.

Panerai die Pug

2007-04-20T15:07:00.000+02:00

Hier is 'n foto van Panerai in Maart vanjaar. Die pienk stuk op sy neus is die letsel wat die Jack Russell gelaat het. Die geniepsige (en baie lastige) Jack was eintlik agter Pippie se lyf aan. Ons vermoed Panerai het soos 'n wafferse held vir Pippie probeer red, en in die proses het Jack vir Panerai gebyt. Ons is ook bly om te se dat Panerai se wond intussentyd heeltemal genees het, en sy skoonheid dus nie meer geskend is nie.

Pippie die Toypom

2007-04-20T14:18:00.000+02:00

Hier is Pippie die Toypom pas nadat sy vandag die doggy parlour besoek het.

Pippie & Panerai

2007-04-20T14:16:00.000+02:00

Hier is Pippie en Panerai. En lyk hulle nie al te fraai!

Peetseun

2007-04-18T17:20:00.000+02:00

Hier's ons pragtige en oulike peetseun, Jozua Francois Malherbe, in Februarie vanjaar op die dag wat hy gedoop is. O, ja, en hy word Dinsdag (24ste) een jaar oud!

Troue op Harkerville 2

2007-04-17T15:34:00.000+02:00

Ek en Liesbeth by Suzanne & Anna-Marie se troue te Harkerville.

Troue op Harkerville 1

2007-04-17T15:18:00.000+02:00

Hier deel Liesbeth en die twee bruide 'n grappie en klink 'n glasie.

Huppel en sy maats

2007-04-16T16:00:00.000+02:00

Hier is Eloise Wessels, CEO van NB-Uitgewers by Kabous Meiring, Reklamekoordineerder: Kinder- en Jeugboeke by NB-Uitgewers na die baie suksesvolle launch van Huppel en sy maats tydens die KKNK 2007.

KKNK 2007

2007-04-16T15:52:00.000+02:00

Hier is ek en Liesbeth by die Hlangana Lodge waar ons tydens die KKNK 2007 gebly het. Die geskiedkundigheid van hierdie foto is dat Liesbeth 'n romp dra. Sy het in jare nie een gedra nie, maar lyk sy nie pe-ragtig nie!